有性趣：口愛前後勿刷牙

據美國性病檢測公司Juna（JunaHealth）嘅健康專家表示，口愛之前或之後刷牙，係會增加感染性病嘅風險，所以喺口愛前及後2小時內都唔應該刷牙，亦唔應該使用牙線，原因係刷牙有機會令口腔出現傷口，令病毒透過傷口進入血液。既然係咁，應該用乜嘢方法嚟清潔口腔呢？專家認為最佳嘅方法，喺口愛前及後漱口，就可以有效清潔及清除口腔異味，或喺口愛時使用俗稱「雨衣」嘅牙齒隔離障（Dental Dam），則為更有效嘅方法。唔少網民睇過健康專家嘅社交平台嘅分享後，都稱讚呢個資訊相當實用，更有網民坦言學校嘅性教育課都冇提過口愛前後清潔嘅問題，今次可謂獲益良多咁話！