昔日東方有性趣：核桃炒雞丁補腎益精
歐聯、歐霸嘅分組賽進行得如火如荼，相信唔少球迷一個禮拜總有三、四晚睇波睇到深夜四、五點，有乜嘢可以陪你度過漫漫長夜？除咗啤酒，梗係唔少得佐酒小食啦！小弟就最鍾意食鹽焗杏仁同核桃，既香口又有益，特別係後者，仲可以用嚟炮製補腎小菜呢！
要咩材料？
今次介紹嘅菜式叫「核桃炒雞丁」，主角核桃肉要100克，再預備205克雞胸肉就可以開工。
點樣做法？
先將雞胸肉切粒，用蛋白、生粉同料酒醃一醃，落鑊加油煮到大概七成熟。另一邊廂，核桃肉都要用油炸到金黃色。當兩種材料都準備好，就可以一齊放入鑊中翻炒一下，加入適量燒酒、食鹽調味，咁就大功告成。
有乜功效？
被譽為「長壽果」嘅核桃，味甘性溫，含豐富維他命B同E，有補腎助陽、健腦養血、補肺潤燥、溫肺潤腸等多種功效，雞肉嘅營養亦相當豐富，可以補中益氣、補精填髓，所以呢款核桃炒雞丁好味又有益，適用於改善腎陽不足引致嘅陽萎、尿頻等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
