網紅熱搜：韓國普拉提女神內外猛料

作為姊系網紅，咪以為Becca Seunghee嘅年紀好大，其實佢今年只不過係26歲，啱啱踏入輕熟之齡咋。要知道，輕熟之齡可謂女性嘅黃金時期，事關佢哋既保持青春美態，同時又散發出一股女人味，絕對吸引又夠晒煞食。正因為咁嘅緣故，Becca憑住迷人嘅姊系氣質，成功得到大家嘅支持，人氣高企。

其實喺佢投身網紅界之前，本身係一位模特兒，曾為唔少雜誌及網絡媒體拍攝寫真，又曾拍過唔少運動品牌廣告，事關佢嘅身材唔單止玲瓏浮凸，而且肌肉結實，充滿健康美同陽光活力，睇得出佢花咗唔少時間勤做運動Keep Fit。

眾多運動中，佢最愛做普拉提運動嚟保持身段，不過佢諗都冇諗過，竟然可以考到普拉提教練牌，仲開班授徒添，令佢又多一個渠道吸金。每當佢將鍛煉方法及成果自拍並分享到社交平台後，就會吸引更多網民支持，於是佢又順理成章開拓網絡事業，憑住火辣嘅身材及性感嘅造型而極速爆紅，喺短時間成功吸納超過22萬粉絲，而最重要係佢並非專職嘅網紅嚟添！按呢個情況計算嘅話，如果佢學似其他韓國網紅咁經營，粉絲人數絕對唔止呢個數字！近年佢更積極分享健康飲食，並以自己為例子，宣揚均衡飲食對健康嘅重要性，果然係一位內外兼備嘅猛料網紅呀！

Becca Seunghee嘅身材誘人，上半身固然吸引，渾圓嘅美臀亦同樣吸睛，據稱係佢勤練深蹲之餘，加埋均衡飲食嘅成果。不過，佢坦言要保持激凸上圍卻非易事，而箇中秘訣就要睇佢喺社交網嘅分享喇！

網址：https://www.instagram.com/3.18oz/

出生地：韓國

身高：172cm

三圍：36D-23-36

撰文：魂