有性趣：松露都可以壯陽？

松露同蘑菇、靈芝一樣都屬於真菌類，與魚子醬、鵝肝並列為世界三大珍饈。由於佢氣味強烈，產量又少，所以價格相當昂貴，當中可以分為黑松露同白松露，後者由於產量更稀少而且氣味更強，所以價格較前者更高。

仲有佢營養豐富，蛋白質含量高，亦含有多達18種氨基酸、多種維他命，以及鋅、錳、鐵、鈣、磷、硒等人體必需礦物質。而古代嘅羅馬人更加認為松露有壯陽同催情功效，之但係近代就有研究表示，松露嘅氣味可以令母豬發情，但係對於人類實際上係冇催情作用，更加冇壯陽嘅功效。