昔日東方有性趣：蟲草羊肉湯益精壯陽
好多男人為咗養家，日捱夜捱咁辛苦，梗係要對自己好啲啦，否則隨時冧偈！事實上，身體健康真係好緊要，間唔中進吓補，做嘢醒神啲，床事變得有心有力，氹得老婆開開心心，成家人一團和氣，花少少錢都係值得嘅，一於落啲本錢，煲番個蟲草羊肉湯嚟歎吓！
要咩材料？
蟲草羊肉湯可以自行炮製，兩大主要材料─冬蟲草同羊肉，分別需要預備10克同500克，而其他材料包括枸杞子15克、淮山藥20克、生薑3片、蜜棗3枚、大蒜頭4個。
點樣做法？
做法唔算複雜，先將冬蟲草、枸杞子、淮山藥洗乾淨；大蒜頭則去皮取肉；羊肉洗淨後切件。之後將全部材料放入湯鍋，加入適量清水，以大火煮滾後，轉細火煲多3小時，食用時可加入適量食鹽調味。
有乜功效？
冬蟲草有補肺益腎、止血化痰等功效，羊肉則能益氣補虛、溫中暖下，配合枸杞子、淮山藥等益精補腎嘅材料，令呢味湯水唔止營養豐富，仲可以調補肝腎、益精壯陽，適用於改善面色無華、腰痠氣短、精液稀少、神疲乏力等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
