有性趣：玩震棒樂極生悲

早前有位叫Caitlin Savage嘅美國女士喺社交平台分享自己嘅住院照片，並附上一張X光圖片，睇真啲，咦？點解有支嘢喺體內嘅？佢解釋話同男友曳曳時，興之所至將一支震棒放入後門，卻估唔到入到出唔到，曾試過用潤滑油，但係仍然無法取出，惟有去醫院求醫，被醫生問到原因時，令佢感到超尷尬，最後喺接受麻醉嘅情況下，成功取出震棒。到出院時，佢再次面對超尷尬嘅情況，就係護士拎住個黑色膠袋嚟問佢，想唔想要番支震棒，佢耍手擰頭後便急忙離開醫院。呢個貼文不但吸引超過35萬人瀏覽，有唔少網民留言話呢個故事令佢哋笑到碌地，更有自稱醫護人員回應話，呢次嘅教訓係唔好將啲嘢放喺唔應該嘅地方，不過亦有網民安慰道：「你唔算最尷尬，我去醫院照X光時，見到一個男人嗰度插住個圓形木門把手。」