今夜一丁：千世羅 人氣韓模 青春不老

樣靚身材正嘅女人特別有觀眾緣，做模特兒又得，做網紅亦得，但美貌卻會隨歲月而流逝，要懂得保養，先可以減慢走樣嘅速度。喺韓國首爾出生嘅千世羅，唔知係咪得天獨厚嘅關係，即使年齡將近熟女臨界點，睇落依然似個廿幾歲嘅女仔，真係羨煞旁人。事實上，喺1987年出生嘅佢，一啲都唔介意大家知道佢嘅真實年齡，要知道韓國有唔少模特兒或網紅都會竄改出生日期，令自己做到永遠25歲，但佢從未試過咁做，以行動話畀大家知，就算三字出頭，仍然可以做到樣靚身材正！

冇錯，喺2012年出道嘅千世羅，早就憑住玲瓏浮凸嘅身材，成為模特兒界嘅寵兒，時隔多年，佢嘅狀態一啲都冇跌Watt，頻頻以比堅尼、低胸貼身衫等性感造型亮相，令一對吸睛雙峰變得更加激凸，所以人氣有增無減，更令佢有機會踩過界做網紅。

講到喺網上發展，千世羅坦言起初只係想搵個平台同粉絲溝通，分享吓美容同保健心得，但隨住社交帳號嘅粉絲人數不斷上升，唔少公司開始搵佢合作，當中涉及美容、化妝同運動品牌，結果喺無心插柳嘅情況下，變咗韓國嘅人氣網紅。

話時話千世羅嘅樣貌同身材之所以Keep住靚，除咗因為生活有規律、飲食均衡同勤做運動外，仲同心態保持樂觀有關。早前佢就喺IG分享自己嘅經驗：原來初出道時，工作好忙，最高峰試過一日跑三場，上晝為雜誌影寫真，下晝出席賽車活動，夜晚仲要喺電玩展登場，有時忙到搞亂自己嘅身份；但有時又會因為有一段時間冇工作，要為事業而擔憂，嗰種壓力實在非外人能理解。不過，隨住社會經驗增加，佢慢慢發現有唔少事非自己所能控制，惟有以樂觀心態面對。由於擁有青春不老嘅身心狀態，家陣千世羅愈撈愈掂，車模、Showgirl、廣告模特兒等工作更加接個不停。

千世羅

出生地：韓國首爾

身高：172cm

三圍：34-25-35

精彩推介

能夠喺韓國模特兒界縱橫超過十年，千世羅嘅魅力毋庸置疑，而佢之所以人氣不減，同佢好樂意喺網上跟粉絲交流有關，咁親民嘅個性，自然多人Like。

網址：https://www.instagram.com/sera0217/

撰文：魂