有性趣：掛牆燈引爆邪念

大家有冇諗過掛牆燈竟然會同男士兵器扯上關係？仲有佢嘅開關燈方法更係令人引爆邪念！不過就係因為佢獨特嘅外形設計，而掀起網民嘅熱烈討論。

新生命象徵

呢款掛牆燈名叫「Wall Lamp」，由英國公司Monsby設計，佢哋早前喺社交網宣傳，將會限量推出一款邪念十足嘅掛牆燈，喺短短幾日，已獲得超過2千萬瀏覽量，佢之所以掀起網民嘅熱烈反應，原因在於掛牆燈嘅外形跟男士兵器有幾分相似，掛喺牆上更似足硬直起來，最過癮係握住佢向下捋係開燈，向上捋就係熄燈，如此動作實在令人邪念大爆發！原來設計公司就係想大家產生呢種感覺，仲話設計靈感嚟自意大利嘅火炬、意大利嘅時尚同埋硬直嘅兵器，寓意作為新生命嘅象徵。而Monsby嘅宗旨一直係「Make Love, Not War」，咁大家明佢哋點解設計出呢款產品啦！