有性趣：戀巨人癖你聽過未？

早前有性心理學家分享4個相當古怪嘅戀物癖個案，包括戀毛絨癖（Plushophilia），容易被毛絨動物，或着住毛絨動物服裝嘅人吸引，並產生性興奮；戀癢癖（Knismolagnia），有呢種癖好嘅男女喺曳曳期間，透過對方嘅搔癢動作，感到興奮無比，甚至產生高潮；戀鏡癖（Katoptronphilia），有呢種性癖好嘅人鍾意對鏡自娛，或交歡時喺身邊放一塊面大鏡，透過鏡中倒影達到性興奮及高潮。

不過講到最古怪嘅，莫過於戀巨人癖（Macrophilia），佢哋會幻想對方變成巨人，被對方掌控、支配，甚至被吞食，從中產生興奮嘅感覺。心理學家Mark Griffiths博士表示，縱然跟性愛無關嘅巨人場面，都能令有呢種癖好嘅人產生性聯想，只係呢種癖好嘅形成至今仍未有任何深入研究。