昔日東方有性趣：紅參海馬酒補腎壯陽
講到煮中菜，有人話將山珍同海鮮一齊落鑊，味道會更加正！同樣道理，浸製可以補身壯陽嘅補酒，好多時都係夾雜咗動物性材料同植物性材料，從而達到相輔相成嘅效果，呢味紅參海馬酒就係好例子。
要咩材料！
叫得做紅參海馬酒，成分當然要有紅參同海馬，前者需要30克，後者則需要15克。除此之外，浸製呢味補酒仲要配搭多種藥材，包括淫羊藿、菟絲子、肉蓯蓉、鹿茸、炙海狗腎（一對）同埋韭菜子。
點樣做法？
將所有材料搗碎，放入容器，再倒入白酒（約1,000毫升），密封後浸泡14日，過濾去渣之後就可以適量飲用。
有乜功效？
紅參有大補元氣嘅功效，配合補腎壯陽嘅海馬同鹿茸，加埋淫羊藿、菟絲子、肉蓯蓉都係常用嘅補腎益精藥材，令呢味補酒嘅效果更加顯著，仲適用於改善陽痿不舉、腰膝痠軟、精神倦怠等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
