有性趣：動物人參補益五臟又壯陽

炮製鵪鶉燴粟米，事前要預備3隻鵪鶉、烚熟咗嘅粟米150克、已炸好嘅松子仁50克、熟瘦肉50克，同埋1片蛋白。

步驟1.將鵪鶉肉、瘦肉切成同粟米粒差唔多大。

步驟2.加入蛋白、黃酒、澱粉拌勻。

步驟3.燒熱個鑊落油，然後將鵪鶉、豬肉略炒，再放入粟米。

步驟4.炒熟之後可加入適量食鹽、胡椒粉調味。

步驟5.上菜時再加入松子仁。

據著名醫書《本草綱目》指出，被稱為「動物人參」嘅鵪鶉有補五臟、益中氣、實筋骨等功效。至於粟米係初秋當造嘅食物，含豐富維他命同礦物質，對心臟同眼睛健康都好有益，所以呢味鵪鶉燴粟米具有補益五臟、壯陽補腎等功效，好啱男士食用。