有性趣：Cup數愈大愈忠貞？

雖然話男人綠帽唔怕戴，最緊要除得快，但更重要嘅係搵到忠貞嘅另一半，只係有冇辦法令男士可以從女性嘅身上得知對方有幾忠貞呢？英國偷情網站早前發表嘅研究報告可能畀到大家參考價值。

B Cup最愛偷食

呢項關於女性罩杯大細與偷情行為關係嘅研究，搵嚟一千名女士參與，結果發現當中活躍於偷情活動嘅女性，有69%嘅胸圍介乎喺AA至C Cup之間，其中又以B Cup女性最為活躍，高達35%！至於Cup數D至G嘅女性，則佔有31%，而Cup數達FF Cup嘅女性，更係近乎冇出軌嘅可能。對於呢個研究結果，性愛與關係專家Jessica Leoni表示，當中可能有兩個原因，一個係巨乳女性嘅忠貞度較高，另一個更大嘅可能性，係AA至C Cup嘅女性更為普遍，以致產生更易出軌嘅錯覺。