有性趣：佢係扭蛋定震蛋？

由扭蛋玩具公司YELL推出，名為「BURURIN」嘅迷你版魔杖，除咗外形同正常版魔杖相似外，更有粉紅、藍、橙、黑及紫5種顏色，只要按開關掣，便能產生微妙嘅震感。之所以話係微妙嘅原因，在於本身係扭蛋玩具嘅佢，並無正常版嘅魔杖般能夠輸出令人興奮嘅震速，故此只能作為玩物，而未能達到按摩肌肉嘅作用，更遑論帶畀大家欲仙欲死嘅刺激。話說回來，其實喺1968年由日立公司推出嘅魔杖，最初係用作按摩肌肉，只係喺美國推出時，卻被美國市場定義成女性用情趣按摩器，加上AV嘅推動下，令佢助性嘅形象更加深入民心。