昔日東方有性趣：楮實助陽酒 溫補脾腎
呢排天氣唔多穩定，周不時落雨，唔記得帶把遮出街，分分鐘淋到成身濕晒。不過，就算個身唔濕都有可能因為成日歎冷氣而搞到體內陽氣受損，而身為男子漢，最驚就係會影響到床上嘅雄風，喺伴侶面前抬唔起頭做人！其實只要識飲識食，就可以收到助陽效果，就好似今日介紹嘅楮實助陽酒，有多種功效，好啱男士飲用。
要咩材料？
楮實助陽酒係可以自行浸製，事前需要預備楮實子（微炒）100克、鹿茸10克、制附子50克、川牛膝50克、巴戟天50克、石斛50克、炮薑30克、肉桂30克、紅棗60克，同埋白酒兩公升。
點樣做法？
做法好簡單，先將9種材料搗碎，塞入布袋，再放入容器，然後加入白酒就可以密封，浸泡約8天，就可以適量飲用。
有乜功效？
楮實子能補腎清肝，鹿茸可補督脈、助腎陽、生精髓、強筋骨，配合其他強壯腰腎嘅材料，令呢味楮實助陽酒具有溫補脾腎、壯陽逐寒嘅功效，適用於改善腎陽虛損、陽痿滑泄、脾胃虛寒、面色無華等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
