今夜一丁：朝比奈祐未百變誘惑

喺日本寫真界中有唔少女優嘅樣貌極為相似，好似高橋凜咁，不論身材同樣貌都同寫真天后原幹惠相似，至於今日同大家見面嘅朝比奈祐未就同奈月紗奈撞樣喇。

紗奈行健康性感路線，不過近期佢已經上晒位，仲轉行搞NFT，所以已減少拍寫真；至於祐未嘅演出則極盡挑逗，兩人嘅風格可以話各走極端。今年30歲嘅佢，比起初出道嘅時候，更多添幾分女人味，因為勤做運動，身材充滿健美感，肉地夠結實，加埋一對飽滿F奶，以及渾圓又彈手嘅極品美巨尻，體態相當誘人，而難得嘅係祐未雖然經常出席戶外攝影會，但依然保持一身肌膚又白又滑，令呢副胴體更加吸睛！

祐未喺2016年推出第一隻寫真DVD，之後漸漸喺寫真界做出成績，例如喺2017年由《Weekly Playboy》舉辦嘅「美尻番付」選拔中獲封為「東之張出橫綱」，之後喺「2020年年度寫真偶像」選拔活動中獲得優秀獎。不過，祐未坦言原本唔係想拍寫真，因為佢係一位Cosplay愛好者，經常以不同動漫角色扮相出席攝影活動，後來喺一次攝影活動被藝能事務所社長發掘，安排佢做演員，不過因為發展得唔順利，所以就轉型做寫真女優。

講到祐未嘅寫真演出，每每為大家帶來不同主題，有時會扮女作家，有時就扮未來女戰士，好多時仲會玩埋SM元素，更出動好多情趣玩具，意淫程度直逼AV作品，令觀眾睇到血脈沸騰呀！

朝比奈祐未經常出席攝影活動，之後就會將當中嘅性感照上載到社交網畀大家欣賞，保證令大家目不暇給。

網址：https://twitter.com/yumiasahina129

年 齡：30歲

身 高：5呎2吋

三 圍：35F-24-35

撰文：賢