有性趣：女性高潮有3種

呢項由布拉格查爾斯大學及神經科學教授James Pfaus博士率領團隊所進行嘅研究，搵嚟54名女性參與並每人派發一支具藍牙連接功能嘅Lioness情趣震棒，佢哋帶返屋企使用數日後，再將震棒送回研究團隊進行數據分析。據James博士解釋，揀選呢款震棒嘅原因，在於佢能透過棒身兩側嘅傳感器，檢測到參與女士骨盆底肌肉收縮嘅力量及運動嘅節奏，從而更有效掌握女性高潮反應等資料。經過分析後，佢哋發現女性高潮反應可分為3種類型，分別係波浪型（Wave）、雪崩型（Avalanche）及火山型（Volcano）。波浪型嘅特點係高潮時會有一浪接一浪嘅感覺；雪崩型則係高潮開始時感覺強烈，其後便慢慢放緩；火山型跟雪崩型相反，高潮慢慢嚟到最後爆發。James博士表示根據結果，發現波浪型最為常見，喺54名女士中有26人屬呢類，其次係雪崩型有17人，最後係火山型有11人。