有性趣：分擔家務 老婆性趣Up

提起做家務，男人總係Say No，但係想夫妻性生活愉快，老公就真係要分擔一下家務喇。呢項研究由澳洲斯威本科技大學心理健康中心進行，搵嚟299名年齡由18至39歲嘅女性進行訪問，每位參與者會收到一份關於兩性關係因素與性慾水平相關嘅問卷，結果發現女性嘅性慾，跟孤獨感同情感親密度有關，所以只要提升跟老婆嘅親密度，便能令佢哋嘅性趣提升，專家認為最有效嘅方法，就係同老婆分擔家務，原因在於不但能夠減低佢哋嘅家務工作量，保持足夠嘅體力，同時亦能透過為對方減少家務工作，及討論家事嘅過程中，提升夫妻間嘅親密度。不過專家話最重要嘅原因，更在於老婆唔再為老公唔做家務而發火，自然會提升性趣。