昔日東方有性趣：鹿茸枸杞酒 浸廿八日飲得！
講開男士進補壯陽嘅佳品，相信好多人都會諗起鹿茸，呢款名貴藥材好啱攞嚟浸酒，之前我哋已經介紹過紅參鹿茸酒、海馬鹿茸酒、蛤蚧參茸酒等好幾款選擇，而今日為大家介紹嘅鹿茸枸杞酒，同樣可以令男士重振雄風，更重要嘅係浸製方法唔複雜，有冇興趣試吓？
要咩材料？
顧名思義，浸製呢款補酒需要喺事前預備鹿茸同枸杞子，分量分別為2克同60克，加埋紅參10克、海馬3克、高粱酒1,500毫升，就可以開工。
點樣做法？
將鹿茸、枸杞子、紅參同海馬搗碎，跟住放入容器，再倒入高粱酒並密封，浸泡約廿八日，就可以隔渣飲用。
有乜功效？
首先，鹿茸可以壯元陽、補氣血、益精髓、強筋骨，枸杞子亦有滋補肝腎嘅作用，再配合大補元氣嘅紅參，同埋補腎壯陽嘅海馬，功效顯而易見，適用於改善陽痿不舉、精神疲乏、腰膝痠軟等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
