昔日東方有性趣：大棗杞子燉乳鴿補腎補氣
做男人應該要中氣十足，講句說話有聲有氣，咁先容易令人信服，亦可以爆發出男子氣概令女伴佩服！如果發覺唔夠氣咁就弊傢伙喇，因為上到床需要做劇烈運動，唔夠氣當然亦唔夠力，咁點樣令女伴滿足呢！不妨試吓呢味大棗杞子燉乳鴿，有助補氣補腎，咁就做乜都有氣有力啦！
3日食一次
所需材料包括大棗20克、枸杞子30克、乳鴿1隻，做法就係先將乳鴿劏好並清洗乾淨，另將大棗洗淨去核，然後切碎，跟住將棗肉、枸杞子同乳鴿一齊放入燉盅，加入適量清水，之後隔水燉煮約1小時即可，食用分量為每3日食一次。
男女啱食
大棗味甘，性溫，具有補脾和胃、益氣生津功效；枸杞子則滋補肝腎、益精明目；至於乳鴿營養豐富，具有滋腎益氣、祛風解毒作用，所以呢味大棗杞子燉乳鴿有補腎益精，亦有補中益氣、養肝明目、補血安神作用，男女都啱食。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
