有性趣：揭逼真床戲秘密

當電影或電視劇會有親密行為嘅情節時，「親密關係協調員」就會為男女演員進行協調，讓雙方喺保障性權益嘅情況下，同意所編排嘅方式演出，而Jessica Steinrock博士正係其中一位協調員。由於佢經常為電影提供協調工作，故此佢可以好肯定咁話畀大家知，電影中嘅性愛場面只係借位演出，而協調員仲會帶埋一個百寶袋，令床戲演出逼真得嚟又能保障演員嘅權益，袋中有4樣法寶，包括乳貼、無帶式丁字褲、唔同顏色嘅膠帶及「謙虛袋」（Modesty Pouch）。乳貼能避免接觸到對方乳頭，無帶式丁字褲配膠帶用嚟遮住女演員嘅下體，同時又能避免穿崩。至於「謙虛袋」則用嚟套住男演員嘅下體，避免接觸到對方嘅私處。但有好奇嘅網民疑問，「謙虛袋」真係可以幫到男演員避免出現生理反應？只係當中點解決就不得而知喇！