今夜一丁：HARUKA 巨乳不墮

日本寫真界有唔少女優都出身於藝能組合，好似今日為大家介紹嘅HARUKA，就係嚟自人氣舞蹈員組合CYBERJAPAN DANCERS（CJD）。講真今年26歲嘅佢，初出道嗰陣有啲Baby Fat，家陣塊面瘦削咗，美艷度同女人味都提升唔少！身材方面，HARUKA副偈可以話係極品，甚至接近完美，三圍數字已經說明一切，上圍對F奶飽滿得嚟又堅挺，配合條幼幼蛇腰同埋桃子形美尻，組成誘人曲線，而且一身古銅色肌膚緊緻細滑，肉地又夠晒結實，拍埋去一般寫真妹，確係高出幾班。

身兼舞團成員嘅HARUKA，平時除咗拍寫真，仲會同一班隊友四出表演火辣舞步，表演場地以夜店為主，有時又會拉大隊參加泳裝攝影活動，或變身女僕去咖啡店表演。由於阿妹嘅人氣唔差，上年又推出咗實體寫真集，所以最近獲邀為「週刊SPA! 創刊34周年記念合併特大號」演出，拍攝咗一輯性感浴衣造型照。其實HARUKA嘅身材之所以咁弗，除咗同跳舞跳得多有關，亦因為識得保養，而為咗令一對F奶唔下垂，佢每日都會用乳霜為胸部按摩，仲會做倒立，等對F奶可以暫時唔受地心吸力影響，真係好勤力喎！

HARUKA

年齡：26歲

身高：5呎3吋

三圍：35-23-35

HARUKA家陣主要以CYBERJAPAN DANCERS成員身份發展，留意阿妹嘅社交網，你會睇到佢同隊友嘅最新動向，當然仲會搵到唔少靚相添！

網址：https://twitter.com/cjd_haruka