有性趣：超尷尬曳曳經歷

醜態盡現

呢位專拍搞笑片，並擁有超過8萬名追隨者嘅網絡主播David Kurtz，早前向粉絲徵求曳曳時遇過最尷尬嘅經歷，而佢自己亦先嚟個拋磚引玉，卻估唔到引嚟激烈回響。話說嗰日天氣嚴寒，佢喺前女友屋企嘅梳化上曳曳，由於客廳嘅窗全部打開晒，David稱真係凍到乜都縮，好不容易進入作戰狀態，卻突然放咗個屁，更噴咗「便便」出嚟，於是佢說服前友女喺浴室繼續下文，更快手拎咗條毛氈冚住便便，卻估唔到呢個時候，前女友父母拖住隻狗返嚟，佢意圖邊用毛氈抹走便便，邊用毛氈遮住下體，卻因狗狗猛咁聞梳化而敗露。David表示自己唔記得點離開前女友屋企，只知道從此冇再跟對方聯絡。不過有粉絲留言，相對David嘅經歷，只係微不足道嘅事，亦有粉絲表示，如果佢係David都會想將呢段回憶抹走。