男極圈

今夜一丁:立陶宛Neringa Kriziute 火辣藝術家

乜嘢叫做人不可貌相?從嚟自立陶宛嘅網紅Neringa Kriziute身上便能印證到呢個講法,事關佢擁有美艷嘅樣貌及超誇張嘅火辣身材,試問又點估到佢竟然係一位藝術家。
與別不同
每當網民見到Neringa Kriziute嘅性感寫真時,都會覺得佢嘅存在一啲都唔真實,原因好簡單,從樣貌到身材可以話係盡得上天嘅眷顧,集迷人樣貌、激凸雙峰、渾圓盛臀及誘人長腿於一身,擁有如此完美嘅外形,實在令女性為之妒忌,男性為之流晒口水!
喺立陶宛出生嘅佢,早就知道自己有着與別不同嘅吸引力,故此希望將來投身模特兒界發展,不過佢一直嘅夢想其實係成為畫家。然而,夢想歸夢想,佢喺大學時卻選擇修讀建築學,原因好簡單,就係Neringa Kriziute認為如果要為日後生計打算嘅話,投身建築界可以作為自己未來嘅出路。
富藝術才華
喺大學期間,佢去咗模特兒公司面試,結果成功獲得取錄,先後為多個品牌拍攝平面廣告,同時推出性感寫真,更參加過唔少電影及電視劇嘅面試。正因為佢對演出抱有相當熱誠,亦令佢萌生成為網紅嘅諗法,為咗提升人氣,佢喺網上嘅寫真尺度愈嚟愈大,從若隱若現嘅貼身超短裙,到後嚟露肉度極高嘅火辣照,令佢成為東歐新一代嘅性感網紅,時至今日,佢嘅社交平台粉絲人數擁有435萬!
雖然Neringa Kriziute嘅模特兒及網紅事業相當出色,但係佢從未放棄當畫家嘅夢想,喺取得建築學學士學位之後,佢又取得繪畫碩士學位,擅長繪畫抽象畫嘅佢,更先後喺立陶宛及外國舉辦過多次個人畫展。作為一位既有外形,又有藝術細胞嘅網紅,Neringa Kriziute嘅魅力確係與別不同。
社交網站
Neringa Kriziute嘅畫作固然能感動人心,但係佢嘅外形對男士嚟講,衝擊感卻更加強烈。事實上,現年27歲嘅佢不但喺社交平台上密密發放福利相,而且性感度更係有增無減,加上豐乳肥臀嘅魔力,真係令人愈睇愈冧!
Profile
出生地:立陶宛
身高:177cm
三圍:37D-27-38
撰文:魂
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500