有性趣：偷情高峰日

由英國偷情網站Illicit Encounters所發表嘅報告指，喺7月22日偷食嘅男女數字，不但係今年錄得最高紀錄，數字更比去年大幅增加18%。之但係今年只係過咗一半多啲，點解呢個網站咁肯定，7月22日係今年偷食最高峰嘅一日呢？據網站表示，綜合多年嘅數據發現，7月係傳統嘅偷食高峰期，當中嘅原因竟然同暑假有關。兩性專家Jessica Leoni解釋，每當暑假開始前，偷食男女嘅活躍度都會大幅攀升，原因在於夫妻都要同子女過暑假，冇藉口同機會偷食，亦好難將偷食對象帶返屋企，因此已婚男女都會趕住暑假開始前偷食，而今年嘅7月22日正係暑假開始前，最後一個最期五，故此好肯定呢個「Frisky Friday」係今年偷情嘅最高峰日子。