有性趣：私處深色疑惑

據泌尿科醫生及性教育家Rena Malik表示，私處顏色較皮膚深色係正常嘅情況，而每個人亦都一樣，隨住年齡增長，私處嘅顏色亦會變得愈嚟愈深，原因在於私處嘅黑色素細胞特別容易受睪酮等激素影響，至於顏色會深到乜嘢程度，則視乎每個人基因等問題。至於令私處顏色變得深色嘅另一個原因，係同各種摩擦有關，咁曳曳得多咪即係愈黑？理論上雖然係咁，但又並非必然，因為大部分女性好少注意私處嘅毛髮問題，事關缺乏毛髮保護，會令皮膚直接同內褲、泳衣等外物摩擦，以致令私處顏色變深。當然喺缺乏毛髮保護，曳曳嘅次數又頻密，私處亦會因經常摩擦而變得深色。Rena Malik建議如果唔想令私處變黑，應多穿着寬鬆嘅內褲，保持私處濕潤，亦應避色以蜜蠟或剃刮嘅方式脫毛，以避免因摩擦而令私處變得深色。