有性趣：分泌物當香水？

原來「Vabbing」係指用陰道分泌物當成香水，搽喺手腕、頸項、耳背等部位，據稱能夠吸引到心儀對象之餘，更能勾起對方嘅好感。其實佢早喺2018年已經喺社交頻道出現，並喺短時間內傳閱超過2千萬次，因此喺2019年被收錄到網絡辭典Urban Dictionary中。不過呢種用陰道分泌物當成香水，並作為吸引心儀對象嘅做法，係咪真係有效呢？有醫學專家表示，陰道分泌物中含有吸引異性嘅訊息素，只係人類並冇可以處理到訊息素嘅嗅覺器官，故此現時並無證據能證明陰道分泌物能吸引到異性注意。不過有唔少網紅卻有唔同嘅睇法，好似「Jewlieah」便拍片分享佢成功利用「Vabbing」獲得異性嘅注意。姑勿論大家相唔相信佢嘅功效，只係覺得將分泌物當成香水，真係好唔合衞生囉！