網紅熱搜：泰國火辣「菇」娘汗濕誘惑

話說早前有輯泰國網紅摘菇嘅照片，引嚟一眾男網民起哄，雖然相中嘅「菇」娘戴住口罩，但因為T恤上嘅汗水，加上大Deep V，令佢嗰對極為「胸」悍嘅巨乳現晒形，同時下身着穿窿熱褲，露出迷人美腿，更差啲露埋神秘三角地帶，咁惹火嘅性感「菇」娘，試問點可能唔瞬間成為熱話呢？

有網民翻查資料，發現呢位英文名叫「Mika」，原名叫Niparat Konyai嘅爆乳泰國網紅，喺2021年已經發布過佢喺菇場工作嘅性感自拍照，而當時佢嘅造型更加性感，穿着白色喱士內衣，一對爆乳呼之欲出，睇到網民流晒口水，更追問菇場請唔請人添！

直到早前Niparat Konyai喺社交網再次發放佢摘菇嘅性感照片，令佢再一次成為網民嘅焦點，而今次有網民更發現到佢另一個身份，原來係一位DJ，難怪佢喺社交網不時分享彈結他嘅自拍照。

不過咪以為咁樣就話佢「菇」娘嘅身份係假，原因係佢拍攝性感寫真嘅種菇場，確實係同佢有關，有唔少影片影到衣着密實嘅佢喺菇場幫手，因此有網民揣測呢個種菇場應該係佢屋企嘅生意，亦因為咁嘅緣故，佢先至可以經常喺菇場內拍寫真。而網民亦再次起哄問如果想去菇場工作，應該點樣應徵，更問可唔可以同Niparat Konyai一齊種菇喎！

Niparat Konyai嘅社交網網名叫「mikanaka9999」，有逾2,700個貼文，有超過347萬位粉絲，認真厲害，足見佢人氣相當高，如果大家想一睹佢摘菇嘅風采，就要Click入去睇睇喇！

網址：https://www.instagram.com/mikanaka9999/

撰文：魂