有性趣：黃芪杜仲酒溫陽補腎

所需材料包括有制附子、山萸肉、石楠、白茯苓、黃芪、桂心各30克，杜仲、萆薜、防風各45克，牛膝、石斛、肉蓯蓉各60 克，以及白酒750毫升。製作方法係將12種藥材磨成粉末，放入布袋後置入容器當中，再加入白酒並密封，浸泡3至5日後，就可以去渣適量飲用。

黃芪有益氣固表、改善體虛嘅功效，杜仲則有助補肝腎、強筋骨等，配合其他材料如制附子、肉蓯蓉等嘅固精補腎作用，令呢味黃芪杜仲酒有溫陽補腎嘅功效，適用於改善腎陽虛損、氣怯神疲、腰膝冷痛，甚至陽痿、滑精等問題。