有性趣：辣椒壯陽又催情？

喺中醫學角度，辣椒味辛，性熱，具有溫中、散寒、開胃、消食等作用，對於治療寒滯腹痛、嘔吐、瀉痢、凍瘡、疥癬有幫助，但係綜合古代咁多中醫書籍，並未提及辣椒有壯陽效果。就算現代研究亦只係顯示辣椒所含物質對促進新陳代謝、抗氧化、止痛有作用，冇辦法將辣椒同壯陽拉上關係。

有人認為食咗辣椒，成個人都火辣辣又出晒汗咁，容易喚醒情慾神經，於是將辣椒當作催情之物！但事實上，並未有研究指出辣椒能夠催情，夾硬嚟嘅話，只可以話同嗜辣嘅女伴一齊喪食辣嘢，令女伴變得心情亢奮，氹得佢開開心心，又辣到周身汗濕要除衫，男士就有機會打蛇隨棍上。