有性趣：英國夫妻愛換伴

真面目示人

現年29歲嘅網紅Vista Wife，經常分享佢同丈夫嘅換伴生活影片，仲有喺OnlyFans同會員分享更激嘅情慾換伴實況，擁有超過20萬粉絲，佢更自稱為英國最著名嘅換伴夫妻。一般呢類換伴愛好者有拍片，都會喺面上打格仔，只係呢對夫妻不但以真面目示人，更喺網上分享換伴嘅樂趣及注意要點。佢哋唔怕影響生活咩？Vista Wife接受訪問時稱，每次出席囝囝嘅學校活動時，都會被其他家長指指點點，亦從未試過有人上前同佢打招呼，後嚟得悉箇中原因係對方怕醜。Vista Wife表示近年愈嚟愈多夫妻接受換伴玩意，而佢同丈夫不但係當中一分子，更想將佢哋嘅諗法分享畀大家知。此外，佢又積極籌劃換伴活動，讓夫妻及單身同好都能喺安全嘅情況下，體驗到箇中嘅樂趣。