有性趣：睇靚女原來係本能？

當男方被另一半發現睇靚女時，經常反駁指女方見到靚仔時，一樣會望多幾眼，不過原來係有分別嘅。蘇格蘭斯特靈大學及格拉斯哥大學曾為「男人鍾意睇靚女原因」進行研究，研究員搵嚟83名女性及65名男性，分別畀佢哋睇5名異性嘅相片，然後給予評分。結果發現男性第一眼見到靚女時會覺得吸引，第二眼時吸引度便會減少，而女性則啱啱相反，要望多幾次先至會對該男性產生興趣。生物學家表示從唔少動物行為中，亦發現相同情況，並稱之為「柯立芝效應」（Coolidge Effect）。呢種效應係指當雄性見到新出現嘅異性時，會對佢有較高吸引力及產生更強嘅交配意願，從而促使雄性繁殖更多後代。不過心理學家卻指，雖然男性仍保持呢種動物本能，但由於受到現代文明所規範關係，故此只能眼看手勿動。