昔日東方有性趣：冰糖燉海參益精又補腎
鮑參翅肚一向係餐桌上嘅美味珍品，除咗可以令我哋嘅味蕾獲得滿足之外，佢哋蘊含嘅營養亦相當豐富。近年有商戶為咗促銷，會預先將鮑參翅肚浸發處理，等大家可以即買即煮，慳番啲功夫同時間。講到補腎，海參都算係呢幾種貴價食材中最有效嘅一款，煮法唔使好複雜，一於整番味冰糖燉海參嚟試吓！
要咩材料？
冰糖燉海參係出自《民間方》嘅補品，製作前只需要預備兩種材料，包括已經浸發好嘅海參50克，同埋適量冰糖。
點樣做法？
先將海參燉到熟爛，然後加入冰糖，燉多一陣，就可以品嘗。建議喺早餐前空肚食，效果最好。
有乜功效？
海參又有刺參、遼參、海男子等別名，喺中醫角度，海參入肺經、腎經，能補腎益精，有助治療精血虧損、虛弱勞怯、陽痿、夢遺、尿頻等問題。醫書《本草從新》亦有記載海參嘅壯陽療效，用冰糖嚟燉，仲可以發揮養血潤燥嘅作用。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
