今夜一丁：西葉瑞希 國民童年玩伴

喺日本，好多寫真女優都以演出舞台劇為副業，亦有舞台劇演員撈過界，間唔中拍吓寫真，好似長月翠、安倍乙都係嚟自舞台劇界，而今年23歲嘅西葉瑞希，同樣喺寫真界同舞台劇界兩邊走。點解阿妹咁有觀眾緣？好明顯同個樣生得甜美可愛有關，事實上，佢嗰副童顏又真係幾掂，笑起上嚟散發出陽光味，好有治愈力，尤其站喺男仔角度，就算心情麻麻，見到佢都會即刻開心番啲，所以佢最近獲得「國民的童年玩伴」呢個封號。另外，瑞希又被稱為「平成最後之蘿莉巨乳」，皆因佢係好波之人，一對脹卜卜嘅E奶，質感天然又堅挺，加埋肌膚鮮嫩白滑，真係好有睇頭。

雖然瑞希個樣睇落好年輕，但佢喺10年前就加入女子組合「Star☆T」，正式投身演藝事業，兩年後就轉投另一隊美少女組合「kyueens」，而喺差唔多同一時間，佢就開始參與舞台劇演出，之後仲喺寫真界嶄露頭角。自從瑞希向觀眾展露自己嘅驕人身材，佢嘅人氣開始彈起，後嚟有份演出特攝劇集《魔進戰隊輝煌者ZERO》，名氣進一步急升，事關佢喺劇中扮演青春可愛嘅學生妹柿原瑞希，演出入型入格，所以備受讚賞，亦令「瑞希」呢個名愈嚟愈多人識。家陣，瑞希主力喺舞台劇界發展，一得閒就會為雜誌拍吓性感寫真，嚟緊佢又忙於預備由動漫作品改編嘅同名舞台劇《Dr.STONE》，希望佢演出成功喇！

西葉瑞希

年齡：23歲

身高：5呎3吋

三圍：34-24-34

除咗忙於為舞台劇演出作準備之外，西葉瑞希最近亦好積極拍寫真，留意佢嘅社交網，就會知道佢嘅最新動向，同埋欣賞到部分寫真照。

網址：https://twitter.com/mizukisaiba_318