男極圈

今夜一丁:長月翠最強童顏美乳

好多人都以為寫真女優只係擺吓甫士影相,啲錢好易搵,其實真係有苦自己知,佢哋不論天氣凍定熱都要進行攝影,冬天固然有機會冷親,喺夏天嘅猛烈陽光下影寫真,真係好容易曬傷,好似長月翠早前就因為咁曬傷咗嬌嫩嘅肌膚喇!
可愛又標致
日本寫真界中有好多女優都生得極之可愛同幼嫩,好似有「合法蘿莉巨乳」之稱嘅長澤茉里奈就係其中一位,除咗佢之外,仲有寺本莉緒、淺川梨奈、本鄉柚巴等等,至於今日同大家見面嘅長月翠亦係屬於童顏巨乳系女優,更加被稱為「最強之童顏美乳」添!
今年22歲嘅長月翠,雖然盛讚佢為「最強」可能係誇張咗,但係佢生得五官標致,雙眼明亮又有神采,的確又靚女又可愛,其他童顏女優似乎都被比下去,難怪佢喺舞台劇扮演15歲少女角色亦冇違和感。而身形小巧嘅佢,肌膚鮮嫩得嚟白裏透紅,上圍仲擁有一對飽滿而胸形美觀嘅E Cup美巨乳,可謂天賦優秀,胴體吸睛度爆燈!
多線發展
佢早喺15歲時就已經踏足舞台,當時佢參加藝能舉拔活動而入行,更成為美少女組合「Opening Sisters」嘅成員,及後輾轉加入不同美少女組合,直至2021年從「Last Idol」畢業之後,佢就開始以單飛形式發展演藝事業,而且工作相當多元化,除咗做歌手,亦有演出舞台劇,作品包括《赤之女王》、《淡海乃海》以及喺今個月上演嘅《盛開在田野裏的花》等,佢仲開設視頻做埋網紅,當然亦唔少得拍寫真,真係吸金力強!而佢早前因為喺戶外拍攝寫真,搞到被太陽曬傷嬌嫩嘅肌膚,好在得到適當嘅治療同休養,最近終於復原,咁先冇影響到寫真拍攝工作咋!
社交網站
長月翠工作多多,大家想知道佢最近又忙緊搞邊科,就要多啲Click入佢嘅社交網,同時仲可以睇到佢最近拍攝嘅性感寫真照,真係大飽眼福呀!
Profile
年 齡:22歲
身 高:5呎
三 圍:32E-23-33
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500