有性趣：推車仔最易受傷

大家有冇試過曳曳時受傷呢？有情趣用品廠商早前訪問咗2千名英國男女，結果發現有37%嘅受訪者曾經喺曳曳時受傷，同時更發現喺某啲地方交戰特別容易受傷添！

動作太激烈

情慾高漲時，男女嘅動作無可否認會變得激烈，喺調查中報稱曾曳曳時受傷嘅男女中，有65%表示因為動作太過激烈，同埋喺睡房嘅地氈上曳曳，結果被地氈擦傷，另有54%及39%嘅男女表示，出現瘀傷及肌肉拉傷，當中以35至44歲嘅男女最易出現上述嘅損傷。究竟佢哋玩乜嘢體位搞到又擦傷又拉傷？調查發現第一位係推車仔，其次係傳教士，當中男士會比女士更易受傷。正因為英國男女愛喺睡房嘅地氈上曳曳，所以亦成為最常出現意外嘅地方，其次分別係梳化同樓梯，至於45至54歲嘅年齡層，最常出現意外嘅地方竟然係屋企嘅後花園！