昔日東方有性趣：海馬童子雞 強壯雄風
雞都有分好多種，包括有清遠雞、竹絲雞、土雞，鍾意食補品嘅朋友就一定要認識童子雞喇！所謂童子雞，又稱為春雞，係未成長嘅小雞，一般只有數個星期大，含豐富蛋白質之外，亦可以強壯男人嘅雄風，加埋海馬炮製一味海馬童子雞，更可以補腎壯陽及改善陽痿添！
拆肉蒸製
材料包括童子雞一隻、海馬3隻、葱段及薑片各15克、清湯500毫升，以及適量燒酒、鹽等。做法係先將海馬用溫水洗淨，童子雞則用滾水煮約5分鐘，取出後拆骨起肉，連皮一起切絲，然後放入海馬、薑葱以及適量燒酒同鹽，隔水蒸約一小時後就可以食用。
調氣活血
從中醫角度嚟睇，海馬味甘，性溫，歸肝、腎經，具有補腎壯陽、調氣活血功效，本身已經對男士相當有益，配合埋童子雞，更可以改善陽痿、尿頻，以及老年體衰、神倦肢冷等症狀。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
