男極圈

今夜一丁:街山美緒 寶石級酒美人

醇酒同美人都可以令男人為之着迷,如果有機會兩者兼得,簡直係人生一大樂事!今日為大家介紹嘅日本寫真女優街山美緒,有樣有身材,仲係一位愛好杯中物嘅美人,有佢陪你摸吓酒杯底,真係好容易未飲先醉!
肌膚勁白滑
出席重要場合,男士們除咗要執正自己,身邊最好有個出得大場面嘅女伴,咁先夠威風!老實講,日本寫真界係就係美女如雲,但見慣世面嘅氣質美人唔係想像中咁多,今年23歲嘅街山美緒算係其中一個。喺2019年開始拍寫真嘅美緒,花容月貌,氣質斯文有貴氣,帶出街見朋友絕對唔失禮。身材方面,美緒嘅上圍唔算好大,但條腰夠幼細,令一對E奶變得好有睇頭,最重要嘅係佢嘅肌膚白滑得嚟好有透明感,令胴體嘅吸引力大增!
出身名大學
其實美緒一出道已備受注目,皆因佢擁有「寶石級美態」,仲獲得媒體稱為「日本一聰明美麗女子大學生」,事關佢來自應慶義塾大學,呢間學府喺日本出晒名專收高材生,證明佢好讀得書。喺寫真工作方面,美緒嘅演出令人大感興奮,因為佢為咗追求美感,一啲都唔錫身,上年更加拍埋全裸寫真!
首任女主角
由於美緒演出夠搏,最近成功爭取到電影演出機會,仲做埋女主角添!呢部電影就係即將喺7月上映嘅《兩個人的愛情故事》。除咗生得靚、身材好同高學歷之外,美緒仲係一位飲得之人,有留意佢嘅社交網同視頻平台,就會發現佢好多時都杯不離手,成日暢飲唔同佳釀,好彩佢係以淺酌為主,唔會飲到醉醺醺,否則做出失禮行為就真係醜死怪。
街山美緒
年 齡:23歲
身 高:5呎4吋
三 圍:34-23-33
社交網站
街山美緒經常會喺社交網透露最新動向,好似最近佢就為主演嘅電影四出宣傳!除此之外,美緒仲會向網友派吓福利,想見識吓何謂「寶石級美態」,千祈咪錯過。
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500