昔日東方有性趣：聚寶酒補腎固精
中國民間故事曾出現一個寶物叫「聚寶盆」，相傳主人只要將金銀財物放入盆內，就會愈變愈多！呢個世界冇人嫌錢腥，多啲錢傍身，當然係最好不過，但其實有樣「財富」更加重要，就係健康！而身為男子漢，除咗追求健康，亦好需要多啲雄風，呢個時候不妨借助「聚寶酒」嘅幫忙。
要咩材料？
顧名思義，「聚寶酒」係聚集咗多種有益身體嘅藥材，包括赤首烏、白何首烏、熟地黃、五加皮、生地黃、白茯苓、甘菊花、麥門冬、石菖蒲、甘枸杞子、白朮、當歸、杜仲、蓮蕊槐角子、天門冬、蒼耳子、肉蓯蓉、人參、天麻、牛膝、蒺藜、茅山蒼朮、沉香、防風等等。
點樣浸製？
首先將上述藥材搗碎，以布袋包好，再放入浸酒用嘅器皿，跟住倒入白酒，然後密封。浸泡7至14日後，就可以取出藥袋同飲用。
有乜功效？
呢款「聚寶酒」出自《濟世良方》，功效包括補肝腎、健脾胃、祛風濕、壯筋骨、固精氣等等，每日飲用適量，有助改善遺精、早洩、頭暈、耳鳴、鬚髮早白、四肢無力、骨節疼痛、面色無華等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
