昔日東方有性趣：豬腎煨附子改善遺精陽痿
中國人嘅飲食文化有所謂「以形補形」、「以臟補臟」嘅概念，例如食豬腦可以補腦、食豬肺可以補肺、飲豬骨湯可以補鈣等等，如此類推，食豬腎(豬腰)豈不是可以補腎？無錯！喺中醫角度，呢個補腎方法真係行得通。男士們想增強雄風嘅話，不妨炮製一款簡單嘅餸菜─豬腎煨附子，畀自己補一補！
要咩材料？
呢款菜式係出自養生典籍《中國藥膳學》，事前只需要預備豬腎一對，同埋熟附子末3克，就可以開工。
點樣做法？
先替一對豬腎去膜，再將佢打橫切開，用清水沖洗乾淨；之後，將熟附子末平均鋪喺豬腎內層，夾好之後就隔水蒸到豬腎完全熟透為止。每日空肚食用一次，效果最好。
有咩功效？
豬腎可以補腎氣，附子則具有回陽救逆、溫脾腎等作用，所以呢味豬腎煨附子能夠補腎益精，適用於治療腎陽虛引致嘅腰痛、尿頻，甚至可以改善遺精、陽痿呢！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
