有性趣 ：男人自娛更長壽？

有助身心健康

呢項由英國研究機構綜合多個由唔同生理衞生機構及組織，針對男女自娛習慣嘅數據後，所得出嚟嘅結果，發現有百分之65嘅男士有自娛習慣，而女士則有百分之40。研究機構指隨住大家嘅性觀念唔同，唔再視自娛係種羞恥嘅行為，只係對於健康方面，男士自娛又有乜嘢好處呢？男士適量嘅自娛行為，除咗有助減壓外，更有改善睡眠質量、減少焦慮同抑鬱、提高自信等作用，而喺自娛過程中，腦內所釋放嘅內啡肽物質，更對身心健康有正面影響，同時亦能降低患上前列腺癌嘅風險，因此理論上係會更加長壽。此外，女士如果保持良好自娛習慣，同樣有正面作用，亦能預防子宮頸及尿道感染，對健康有益。