有性趣：淫羊藿茶壯陽又祛風

呢款淫羊藿茶係出自中醫養生典籍《茶飲保健》，事前要預備嘅材料唔多，只需淫羊藿5克同紅茶3克。

淫羊藿可以喺藥材舖買到，使用之前要稍為剪碎，坊間亦有淫羊藿葉出售以作泡茶之用。做法好簡單，將淫羊藿同紅茶放入茶杯，倒入約200毫升滾水沖泡，就可以飲用！

相傳有公羊食咗淫羊藿葉之後，陰莖極易勃起，所以淫羊藿被認為有壯陽功效。換句話講，呢款淫羊藿茶有補腎壯陽、祛風除濕、鎮咳化痰等功效，可以改善男子陽痿不舉、遺精、小便淋漓、腰膝無力、風濕痹痛等問題。