有性趣：員工福利自娛小休咁鬼盞？

呢項由瑞典情色電影女導演Erika Lust喺製作公司推出嘅員工福利，每位員工每日可享有30分鐘嘅自娛時間。據Erika解釋之所以推行呢項獨特福利嘅原因，在於想研究工作壓力及環境變化，會否影響到打工仔嘅性習慣、性表現等。亦因為咁，每位員工喺享用完「自娛小休」後，都要接受導演嘅專訪，同時拍成紀錄片作為將來喺網上放映。又要出鏡又要分享，班員工會唔會怕尷尬而拒絕享用呢項福利呢？事實上，唔少員工都願意接受，有女員工表示佢每日都會「自娛小休」4次，只係可以選擇嘅話，佢情願喺屋企自娛；有男員工坦言開始時相當享受，每日都用盡半小時嚟自娛，不過隨住工作忙碌，佢已經有兩個月冇Breaks喇！Erika補充指攝製紀錄片嘅目的，在於想大家開心見誠談論自娛，唔應該因自娛而有羞恥感。