昔日東方有性趣：固精酒 壯陽補腎
成功唔係一朝一夕可以達成，男人想要增強自己嘅床上雄風亦一樣，唔係話食咗一次補品，又或者做咗一次強腎操，就可以即時硬起上嚟！呢個道理同樣適用於浸酒方面，例如想自製一款能夠壯陽補腎嘅固精酒，需要花啲時間，但只要體驗過佢嘅益處，你就會明白等待係值得嘅！
要咩材料？
就咁聽固精酒呢個名，你可能會問，佢憑乜嘢可以固精呢？竅妙當然係同材料有關，因為要浸製呢款補酒，事前需要預備枸杞子120克、當歸60克、熟地180克，同埋白酒3,000毫升。
點樣浸製？
正如上文提到，浸製固精酒係需要一啲耐性，製作步驟如下：
1.先將枸杞子、當歸同熟地打成粉碎，然後用絹袋裝好並紮緊袋口。
2.將白酒倒入乾淨嘅器皿，再放入藥袋加蓋。
3.以文火滾起後，再拎去放涼，等待約20日之後，就可以拎走藥袋。
有乜功效？
固精酒喺出自《惠直堂經驗方》，當中嘅枸杞子同熟地能補肝腎、益精血，當歸則可補血養血，三種材料配合之下，可以帶出補肝腎、益精、養陰血等好處，只要每日早、晚各飲1次，每次分量10至20毫升，就能產生助陽堅舉之功，適用於改善腰痠、遺精、男性不育等症。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
