昔日東方有性趣：知柏三子湯提升持久力
所謂過盈則溢，做人千祈唔好鋒芒過露，否則容易犯眾憎，上到床亦都唔好過分興奮，否則就會好容易走火，搞到相當掃興喇！當中嘅原因並唔係體質太弱而早洩，反而係因為雄風過強、陽事易舉，結果一觸即發！想避免呢種情況發生，不妨試吓飲知柏三子湯，有助提升持久力，咁就唔怕喺伴侶面前失威啦！
製作簡單
材料包括有知母10克、黃柏10克、五味子6克、金櫻子10克、枸杞子10克。做法係將所有材料煎水服用，第一次煎製之後留起藥湯，與翻渣煎製嘅第二次藥湯調勻，分早晚各服用一次便可。
補腎固精
當中知母及黃柏有滋腎潤燥、清熱瀉火功效；五味子、金櫻子有固腎澀精作用；杞子則可以補腎益精，故呢味藥湯具有滋陰降火、補腎固精嘅功效，除咗可以增加持久力，亦可以改善五心煩熱、失眠耳嗚、舌紅少苔等症。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
