有性趣：薛荔果補腎固精

薛荔果係桑科植物薛荔嘅果實，有涼粉果、涼粉子、木饅頭、木蓮、鬼饅頭等多個別名，產地分布於福建、江西、浙江、安徽、江蘇、台灣等地區。

關於薛荔果嘅功效，唔少中醫藥書籍都有提及，其中《圖經本草》嘅記載係「壯陽道尤勝」，意思顯而易見。除此之外，根據《本草綱目》同《上海常用中草藥》，薛荔果仲有祛風濕、散毒止血、通經活絡、清熱消腫、利尿，治久痢腸痔、治手足關節不利等多種功效。

薛荔果有補腎固精作用，配合楮實子、菟絲子、韭菜子等同用，有助改善腎虧腰瘦、陽痿遺精等症。如果想要應付癰腫初起等症，能消腫解毒嘅薛荔果亦可以發揮作用，最好配合蒲公英、地丁草、野菊花等藥材同用。