洋媚女子：佗槍嬌娃索到砰砰聲

隨住VR器材愈嚟愈普及，家陣要欣賞呢類代入感十足嘅VR四仔已經唔係難事，而呢套由VRBangers製作嘅《Veterans Day》，就以槍械女郎為主題。索女佗槍已經夠火辣，加埋係Kayley Gunner主演，更加令作品嘅觀賞性倍增！事關Kayley以身材火辣見稱，嗰對36DD大肉彈，對男人嘅殺傷力仲勁過子彈，加埋主觀鏡頭拍攝，產生出激盪人心嘅視覺效果，難怪有四仔迷話睇咗唔夠15分鐘，下半身已經頂唔順。至於呢套四仔有冇劇情？答案係有，只係近乎零。故事講述空虛寂寞嘅Kayley，「巧遇」大隻猛男，於是主動調情，官能刺激度可以話係爆晒錶！

美國四仔導演Axel Braun以惡搞超級英雄題材見稱，好似呢套出自著名四仔片廠嘅《Black Widow XXX》，擺明係向超級女英雄黑寡婦「致敬」，製作水準仲要相當高！影片搵嚟Kenzie Taylor、Lacy Lennon、Elena Koshka等人氣脫星演出，劇情鋪排有心思，內容講述Lacy Lennon飾演嘅鹹版黑寡婦收到線報，有四仔片廠意圖透過作品向四仔迷灌輸不法思想，於是佢決定深入虎穴，化身脫星，混入片廠嚟搜集證據。高質嘅拍攝手法，認真嘅服裝設計，加埋連場精彩肉搏戰，令影片喺今年嘅XBIZ獲得最佳性愛演出同美術指導兩個獎項。

代號：廿八座大王

年資：30年

活躍地點：油麻地一帶

簡評：老實講，兩套以佗槍嬌娃作招徠嘅四仔作品中，《Veterans Day》嘅內容相對失色，事關片中見唔到槍林彈雨嘅場面，但勝在女主角夠索，又係VR作品，總算令人睇得投入。至於《Black Widow XXX》就真係火藥味十足，由Axel Braun執導，喺XBIZ中連奪兩獎，足以證明佢嘅拍攝質素有幾咁令人興奮。

出生日期：1997年1月9日

三　　圍：36DD-29-36

身　　高：163cm

撰文：魂