昔日東方有性趣：補腎延壽酒早衰啱飲
男人唔易做！特別喺香港，返工超時經已係家常便飯，放咗工仲要花時間、花心思同埋花精力去氹另一半開心，真係好易搞到身心俱疲，分分鐘一撻落床就瞓到死豬咁，仲點可能享受到魚水之歡呢？假如你都受住呢種情況困擾，唔想喺女伴面前失威，咁就要試吓補腎延壽酒喇！
要咩材料？
補腎延壽酒係出自清代中醫著作《經驗方》，要浸製呢款補酒，事前要預備多種藥材，包括熟地黃100克、全當歸100克、川芎40克、菟絲子120克、川杜仲50克、澤瀉45克、淫羊藿30克，同埋石斛100克。
點樣做法？
將上述嘅藥材放入合適嘅器皿內，然後倒入純度為60度嘅白酒1.5升，跟住密封，浸泡約15日之後就飲得。最好每日早晚各飲一次，每次分量為15至25毫升。
有乜功效？
補酒含多種有益藥材，其中熟地黃同石斛可以補肝腎、益精氣；全當歸同川芎可以養血活血；菟絲子同淫羊藿能夠溫補腎陽；杜仲有補肝腎、強腰膝功效；而澤瀉則可祛濕利尿，換句話講，飲咗呢款酒，可以改善精血虛所引致嘅早衰、消瘦、陽痿、腰膝痠痛等問題，你話係咪好啱一眾港男呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
