有性趣：桑椹黑豆補肝腎

材料包括桑椹50克、黑豆30克、紅棗4粒以及紅糖20克。做法係先將黑豆洗淨後，用水浸泡約2小時；桑椹洗淨後用水浸泡1至2分鐘；紅棗則洗淨後再去核。準備好之後就將桑椹、紅棗和黑豆放入瓦煲，加入4碗水煮滾，然後轉用細火煲約40分鐘便可，食用前可以加入紅糖調味。

桑椹歸心、肝、腎經，有滋陰補血、生津潤燥功效，可以改善肝腎不足以及由血虛精虧引起嘅頭暈目眩。而黑豆亦有益精明目、養血祛風、利水、解毒作用，所以呢味糖水具有補肝腎、健脾胃、美白烏髮、明目抗衰等功效，真係男女都啱食！