昔日東方有性趣：補腎壯筋湯 煲半小時飲得
缺乏性生活嘅刺激，有啲人會覺得好Dry，甚至出現情緒問題，所以有時候無必要將性慾壓抑得太緊要，稍為放縱一下自己，人先會活得Happy。不過，大家都聽過乜嘢叫「過猶不及」吧！長時間放縱性慾，男人好易出現腎經虛損嘅問題，呢個時候除咗可以向中醫求助，亦可靠湯水自救，補腎壯筋湯就有強壯腰腎嘅功效。
要咩材料？
稱得上「補腎壯筋湯」，當然有藥材成分，開火煲湯之前要預備熟地、當歸、牛膝、山茱萸、雲苓、杜仲、白芍、青皮，同埋五加皮，每款各10克，再加埋12克川斷就可以。
點樣煲法？
做法簡單到極，先將上述材料洗乾淨，之後放入湯鍋，再加入約500毫升清水，煲約半小時就可以飲用。
有乜功效？
首先，熟地、當歸、白芍同山茱萸有助補益肝腎，可以令精血充旺、筋骨強壯，配以杜仲、牛膝、川斷同五加皮，效果就更加明顯，而茯苓、青皮則係理氣益脾嘅藥材，對運化藥效有幫助。換句話講，呢款「補腎壯筋湯」可以改善腎經虛損，好啱性事頻繁嘅男士。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
