有性趣：以形補形咪亂吹

呢位自稱營養師嘅日本網民Daisuke，早前喺社交平台上指如果想改善身體某個器官嘅功能，就必需食用跟嗰個器官相似嘅食物，例如補腎要食形狀同腎臟相似嘅紅腰豆，補心就要食形狀跟心臟相似嘅番茄，補眼就要食橫切面好似眼睛嘅紅蘿蔔等。貼文一出即引嚟網民揶揄，有人話如果想壯陽的話，咪要食松茸、香蕉、香腸等之類嘅食物？甚至有人話想百毒不侵，唔通要食人？不過話說回來，雖然松茸同香蕉對壯陽並無直接作用，但松茸含有相對較高嘅氨基酸及蛋白質，又具抗氧化嘅作用，而香蕉所含有嘅鉀，不但減少鈉吸收，亦有抗癌及防癌嘅作用，對男士嘅健康嚟講其實亦有一定嘅幫助。